الرئيسية
أحدث الصور
التسجيل
دخول
من طرف احمد الحبر المحسي الإثنين أكتوبر 19, 2009 2:38 amمحطه رقم (1)
زعموا الحب سخافه
ولظي العشق جنونا وخرافه
اٍذا ..
فلتعش تلك الخرافه
تتوج العشق أميرا..
وتبايع الحب الخلافه
محطه (2)
متين يا فرح غيمك
يبل خد الشمس لهفه
يذوب لون المحنه زلال
يزيد كتب الحنان عرفه
متين أسود أيامنا يموت
متين جرح الفراق يشفي
وأشوفك انتي سبحه ضو
معلقه في القلب رجفه
محطه (3)
الجمال الشفتو خلي عقلي مغيب
عودو لادن صندل يوم تزورو هبيب
ديسو عانق خصرو عينو دره تهيب
آيه في الاِتقان الجمالو يشيب
***
الشمس في خدو نازله قبلي تغيب
والدياجر ذابت في فريعو سبيب
والدلال في طبعو فيهو راح متسيب
ياالله من عيني اِنشاله يصبح طيب
محطه(4)
قبال كده..
منو السمع عن نسمه تعزف
لي فراشه مغرده
عن ألف ليله وليله واحده
علي الصباح متمرده
يا دهشه من دنيا الخيال
منو النحت في الموج وفي صورتك سؤال
وريني كيف
يا قطعه من شمس الأصيل
نفضتي لونك في الرمال؟!
قبال كده
منو منو العرف
اِنو القمر مصبوب علي وشيشك
تضرع واِبتهال
منو الوضع اِنك انتي من البشر
يكون مجرد اِحتمال
يا بسمه من كأس الدلال يا معربده
خليك بس متأكده
اِنك كتلتي(أحمد) بالغرام
قاصده وكمان متعمده
محطه(5)
دسي الريده زي ما دايره
بس عينيك عليك تشهد
مين الخبئ في عينيو
دلائل الشوق وكت عربد
ومين بطفيها نأر الحب
لما قلوبنا تتوقد
صباح البسمه يوم يشرق
وصوت الفرحه كان غرد
يرقص كل اِحساسي
يخلي عذابي يتبدد
وصوت الآهه والأحزان
غار من شعرك الأسود
يهرب من يوم ألقاك
تغيبي وتاني يتجدد
ورغم الآهه والأحزان
شفايفك رافضه تتمدد
داسه الأحرف الحلوات
ونحن الليك بنتودد
ليه يا غاليه ليه الجور
تدسي الريده من أحمد
مشكووووووووووووووووووووووووووووور